چیف جسٹس قاضی فائز عیسیٰ کی سربراہی میں تین رکنی بنچ آج سے لاہور رجسٹری میں سماعت کرے گا

چیف جسٹس قاضی فائز عیسیٰ کی سربراہی میں تین رکنی بنچ آج سے لاہور رجسٹری میں سماعت کرے گا، لاہور رجسٹری میں مقدمات کی سماعت کے حوالے سے کاز لسٹ جاری کردی گئی، 3رکنی بنچ میں جسٹس امین الدین خان اور جسٹس جمال خان مندو خیل شامل  ہیں۔

لاہور: (قومی ڈیسک) چیف جسٹس آف پاکستان قاضی فائز عیسیٰ آج سے سپریم کورٹ لاہور رجسٹری میں مختلف کیسز کی سماعت کریں گے، کاز لسٹ جاری کر دی گئی۔ تفصیلات کے مطابق چیف جسٹس قاضی فائز عیسیٰ کیسز کی سماعت کیلئے لاہور میں موجود ہیں، جسٹس منصور علی شاہ، جسٹس امین الدین خان، جسٹس جمال خان مندوخیل، جسٹس یحییٰ آفریدی اور جسٹس اطہر من اللہ بھی کیسز کی سماعت کریں گے، اس حوالے سے 2 بینچز تشکیل دے دیئے گئے۔

 چیف جسٹس قاضی فائز عیسیٰ کی سربراہی میں 3 رکنی بینچ بنایا گیا۔ 3 رکنی بینچ میں جسٹس امین الدین خان اور جسٹس جمال خان مندوخیل شامل ہیں، جسٹس سید منصور علی شاہ کی سربراہی میں بننے والے دوسرے بینچ کا جسٹس یحییٰ آفریدی اور جسٹس اطہر من اللہ حصہ ہیں۔ 

تفصیلات کے مطابق دونوں بینچز آج سے 19 اپریل تک لاہور رجسٹری میں اہم نوعیت کے مختلف کیسز کی سماعت کریں گے، لاہور رجسٹری میں مقدمات کی سماعت کے حوالے سے کاز لسٹ جاری کردی گئی، فریقین اور وکلاء کو کیسز کی سماعت کے متعلق بھی آگاہ کر دیا گیا ہے۔