امید ہے علاقائی ممالک اپنی سرزمین ایران کے خلاف استعمال نہیں کرنے دیں گے:اسماعیل بقائی

تہران: (ویب ڈیسک) ایرانی وزارت خارجہ کے ترجمان اسماعیل بقائی نے امید ظاہر کی ہے کہ علاقائی ممالک اپنی سرزمین ایران کے خلاف استعمال نہیں ہونے دیں گے۔ انہوں نے کہا کہ خطے میں پائیدار سلامتی کے قیام کیلئے ممالک کے درمیان تعاون اور باہمی اعتماد کو فروغ دینا ضروری ہے۔ ان کے مطابق اعتماد سازی ایک دوطرفہ عمل ہے جس کے لیے تمام فریقوں کو سنجیدہ کوششیں کرنا ہوں گی۔

اسماعیل بقائی کا کہنا تھا کہ ایران نے ہمیشہ اپنے اصولی اور مخلصانہ مؤقف کا اظہار کیا ہے اور اسے خطے کے ممالک سے کوئی دشمنی نہیں ہے۔ تاہم انہوں نے واضح کیا کہ اگر ایران کی قومی سلامتی کو خطرے میں ڈالا گیا تو تہران خاموش تماشائی نہیں بنے گا۔ ترجمان نے اس عزم کا اعادہ کیا کہ ایران اپنی سلامتی کے تحفظ کیلئے ضروری اقدامات کا حق محفوظ رکھتا ہے۔

ایرانی وزارت خارجہ کے ترجمان نے پڑوسی ممالک کی جانب سے امریکی فوجی موجودگی پر ضرورت سے زیادہ انحصار پر بھی تنقید کی۔ ان کا کہنا تھا کہ بعض معاملات میں پڑوسی ممالک نے ایران کے خلاف کارروائیوں میں فعال معاونت بھی فراہم کی ہے۔ بقائی نے زور دیا کہ خطے کے ممالک کو بیرونی طاقتوں پر انحصار کے بجائے باہمی تعاون اور علاقائی ذمہ داری کے ذریعے مسائل حل کرنے چاہییں۔

#InternationalNews 
#2ndNov2026
#Iran 
#RegionalSecurity 
#MiddleEast 
#Diplomacy
#TVN 
#TVNNews 
#TVNUrdu 
#TVNWorld 
#TheViewsNetwork