نگران وزیراعظم امریکہ روانہ

انوار الحق کاکڑ کا دورہء امریکہ، جنرل اسمبلی کے سالانہ اجلاس میں شرکت کریں گے، معروف تھنک ٹینکس اور عالمی ذرائع ابلاغ کے نمائندوں سے گفتگو بھی کریں گے۔

اسلام آباد: (ویب ڈیسک) نگران وزیرِ اعظم انوار الحق کاکڑ اپنے 5 روزہ دورے پر امریکا کیلئے روانہ ہو گئے ہیں۔ نیویارک میں اقوامِ متحدہ جنرل اسمبلی کے 78ویں اجلاس سے نگران وزیرِ اعظم خطاب کریں گے۔ وزیرِ اعظم نیویارک میں جنرل اسمبلی اجلاس میں شرکت کے ساتھ ساتھ عالمی رہنماؤں سے ملاقاتیں بھی کریں گے۔

وزیر اعظم امریکا میں اقوام متحدہ کی جنرل اسمبلی اجلاس کے علاوہ موسمیاتی تبدیلی پر منعقد ہونے والی اہم کانفرنس میں بھی شرکت کریں گے۔ نگران وزیراعظم اس دورے میں بین الاقوامی ذرائع ابلاغ کے نمائندوں سے ملاقات کریں گے۔ انوار الحق کاکڑ امریکہ کے معروف تھنک ٹینکس سے بھی ملاقات کریں گے۔

امریکی وزیر خارجہ انٹونی بلنکن نے کہا ہے کہ فلسطین کا مسئلہ حل نہ ہونے کی وجہ سے سعودی عرب اور اسرائیل کے درمیان تعلقات کی بحالی کا معاہدہ نہیں ہو پا رہا ہے۔ عالمی خبر رساں ادارے کے مطابق امریکی وزیر خارجہ انٹونی بلنکن نے کہا ہے کہ امریکا سعودی عرب اور اسرائیل کے درمیان سفارتی تعلقات کی بحالی کیلئے ثالثی کا کردار ادا کر رہا ہے۔ امریکی وزیر خارجہ نے مزید کہا کہ سعودی عرب اور اسرائیل کے درمیان تعلقات کی بحالی کے معاہدے تک پہنچ گئے ہیں۔