سائفرکیس کی سماعت کل جوڈیشل کمپلیکس میں متوقع

چیئرمین پی ٹی آئی عمران خان، سابق وزیر خارجہ شاہ محمود سمیت دیگر افراد کے خلاف سائفر کیس کی سماعت کل اڈیالہ جیل کے بجائے  جوڈیشل کمپلیکس میں ہی متوقع، جج ابوالحسنات ذوالقرنین کل صبح سائفرکیس کی سماعت کریں گے۔

اسلام آباد: (قومی ڈیسک) ذرائع کے مطابق سائفر کیس کی سماعت کل اڈیالہ جیل میں نہ ہونےکا امکان ہے اور سماعت کل جوڈیشل کمپلیکس میں ہی متوقع ہے۔ ذرائع کا کہنا ہے کہ آفیشل سیکرٹ ایکٹ عدالت میں تا حال جیل ٹرائل کا نوٹیفکیشن جمع نہیں کرایا جاسکا۔ نوٹیفکیشن جمع  ہونے پر جج ابوالحسنات اڈیالہ جیل میں سماعت کا فیصلہ جاری کریں گے۔

کل صبح جج ابوالحسنات ذوالقرنین سائفر کیس کی سماعت کریں گے، وزارت قانون کا  نوٹیفکیشن عدالت میں جمع ہونے پر اڈیالہ جیل میں سماعت ہوسکےگی۔ یاد رہے کہ نگران وفاقی کابینہ نے سائفر کیس کا ٹرائل اڈیالہ جیل میں کرنے کی منظوری دی تھی۔ ذرائع کے مطابق وزارت قانون و انصاف کی سمری پر کابینہ اراکین سے سرکولیشن کے ذریعے منظوری لی گئی۔