مصر کا سعودی عرب میں دفاعی مشن کے لیے فوج بھیجنے کا فیصلہ

قاہرہ: (ویب ڈیسک) مصری پارلیمنٹ کے رکن مصطفیٰ بکری کے مطابق قومی دفاعی کونسل کا اجلاس صدر عبدالفتاح السیسی کی زیر صدارت ہوا، جس میں سعودی عرب میں فوجی تعیناتی اور مشن کے امور کی منظوری دی گئی۔ بکری نے اتوار کو سماجی رابطے کے پلیٹ فارم ایکس پر اس فیصلے سے متعلق آگاہ کیا۔

گلف نیوز کی رپورٹ کے مطابق فوجی تعیناتی کے معاملے پر غور کے لیے مصری پارلیمنٹ کا ہنگامی اجلاس بھی اتوار 18 اکتوبر کو مقامی وقت کے مطابق دوپہر ایک بجے قاہرہ میں طلب کیا گیا تھا۔ پارلیمانی کارروائی کو فوجی تعیناتی کے معاملے میں اہم پیش رفت قرار دیا جا رہا ہے۔

رپورٹ میں فوجی مشن کی تفصیلات، تعینات کیے جانے والے اہلکاروں کی تعداد اور ان کی ذمہ داریوں کی مکمل وضاحت نہیں کی گئی۔ سعودی عرب میں مصری فوج کی تعیناتی سے متعلق آئندہ پیش رفت اور مشن کی حتمی تفصیلات سامنے آنا باقی ہیں۔

#InternationalNews
#18thOct2026
#Egypt
 #SaudiArabia
 #DefenceMission
 #AbdelFattahElSisi
 #MiddleEast
#TVN
#News
#TVNUrdu
#TVNWorld
#TheViewsNetwork