وزیراعلیٰ سہیل آفریدی سمیت متعدد رہنماؤں کے وارنٹ گرفتاری جاری

شاور: (نیوز ڈیسک) ایکسپریس نیوز کے مطابق انسداد دہشت گردی کی خصوصی عدالت میں ریڈیو پاکستان پشاور کی عمارت پر حملے، توڑ پھوڑ اور املاک کو نذر آتش کرنے کے مقدمے کی سماعت جج ولی محمد نے کی۔ عدالت نے وزیراعلیٰ خیبر پختونخوا سہیل آفریدی، سابق صوبائی وزرا تیمور سلیم جھگڑا اور کامران بنگش، پی ٹی آئی پشاور کے ضلعی صدر عرفان سلیم اور کارکن عامر چمکنی کے وارنٹ گرفتاری جاری کیے۔ مقدمہ 9 اور 10 مئی کے واقعات سے متعلق ہے، جو بانی پی ٹی آئی کی گرفتاری کے بعد پیش آئے تھے۔

سماعت کے دوران ملزمان کے وکیل علی زمان ایڈووکیٹ نے مزید مہلت طلب کرتے ہوئے کارروائی ملتوی کرنے کی استدعا کی۔ عدالت نے قرار دیا کہ مقدمے کا چالان جمع ہو چکا ہے اور ملزمان کو نامزد کیا گیا ہے، اس لیے قانون کے مطابق وارنٹ گرفتاری جاری ہوں گے۔ سماعت میں تفتیشی افسر خوشحال، پبلک پراسیکیوٹر اور ریڈیو پاکستان کے وکیل شبیر حسین گیگیانی بھی پیش ہوئے۔

ڈسٹرکٹ پبلک پراسیکیوٹر نے مقدمے کا چالان عدالت میں جمع کرایا، جس میں مذکورہ پانچوں افراد کو نامزد کیا گیا ہے۔ عدالت نے وارنٹ گرفتاری جاری کرنے کے بعد مقدمے کی مزید سماعت 4 نومبر تک ملتوی کردی۔ کیس میں آئندہ کارروائی کے دوران نامزد ملزمان کی قانونی حیثیت اور مقدمے سے متعلق دیگر امور پر پیش رفت متوقع ہے۔

#NationalNews
#28thOct2026
#Peshawar
 #May9Cases 
#PTI 
#SohailAfridi
 #AntiTerrorismCourt
 #NationalIssue
#TVN
#News
#TVNUrdu
#TVNNational 
#TheViewsNetwork