ایف بی آر کا انکم ٹیکس گوشواروں کی خودکار جانچ پڑتال کا نیا نظام متعارف

اسلام آباد: (نیوز ڈیسک) ایف بی آر کے نئے طریقہ کار کے تحت ادارے کا خودکار نظام، بشمول سی آر ایم، ٹیکس دہندگان کے جمع کرائے گئے انکم ٹیکس گوشواروں کا جائزہ لے گا۔ کسی حقائق پر مبنی یا قانونی غلطی اور تضاد کی نشاندہی ہونے پر آئی آر آئی ایس کے ذریعے آن لائن ایڈوائس یا پیشگی اطلاع بھیجی جائے گی، تاکہ ٹیکس دہندگان قانونی یا تعزیری کارروائی شروع ہونے سے پہلے وضاحت پیش کر سکیں اور غلطیوں کی اصلاح یا دیگر ضروری اقدامات کر سکیں۔ متعلقہ دائرہ اختیار رکھنے والا ان لینڈ ریونیو افسر بھی ایسی پیشگی اطلاع جاری کر سکے گا۔

نوٹیفکیشن کے مطابق ٹیکس دہندگان کو جواب دینے، غلطی درست کرنے یا نشاندہی کردہ بے ضابطگی دور کرنے کے لیے کم از کم سات دن کی مہلت دی جائے گی۔ مقررہ مدت میں جواب نہ ملنے پر دوبارہ یاددہانی بھیجی جائے گی، جس کے لیے بھی کم از کم سات دن دیے جائیں گے۔ خودکار نظام کے ذریعے سامنے آنے والے مسائل، بھیجی گئی اطلاعات اور موصولہ جوابات کا ریکارڈ متعلقہ ان لینڈ ریونیو افسر کو فراہم کیا جائے گا، جبکہ تمام اطلاعات، جوابات اور اقدامات ڈیش بورڈ پر درج ہوں گے۔ افسر ٹیکس دہندہ کے جواب کا جائزہ لینے کے بعد ضرورت کے مطابق انکم ٹیکس آرڈیننس 2001 اور متعلقہ قواعد کے تحت مزید کارروائی کر سکے گا۔

#NationalNews
#12thNov2026
#FBR
#AI
#Tax
#IncomeTax
#Punjab
#Pakistan
#Lahore
#TVN
#News
#TVNUrdu
#TVNNational 
#TheViewsNetwork