16 نومبر کو اہم علاقائی اجلاس

اسلام آباد: (نیوز ڈیسک) سفارتی ذرائع کے مطابق 16 نومبر کو ہونے والے اہم علاقائی اجلاس میں ایران، وسط ایشیائی ریاستوں اور تنظیم کے دیگر رکن ممالک کے وزرائے خارجہ شرکت کریں گے۔ تاہم ذرائع کا کہنا ہے کہ اجلاس میں شرکت کے لیے افغان طالبان حکومت کو دعوت نہیں دی گئی۔ اس پیش رفت کو خطے کی سفارتی صورتحال کے تناظر میں اہم قرار دیا جا رہا ہے۔

ذرائع کے مطابق اجلاس کے انتظامات کو حتمی شکل دے دی گئی ہے اور غیر ملکی وفود کی آمد اتوار سے شروع ہونے کی توقع ہے۔ اجلاس کی باقاعدہ نشستوں کا آغاز پیر کی صبح ہوگا۔ مختلف ممالک کے وزرائے خارجہ اس علاقائی فورم میں شریک ہو کر مشترکہ امور پر مشاورت کریں گے۔

اجلاس کے دوران تجارت کے فروغ، علاقائی روابط میں اضافے اور اقتصادی تعاون کے نئے مواقع پر تفصیلی تبادلہ خیال کیا جائے گا۔ اس کے علاوہ خطے کو درپیش مشترکہ چیلنجز اور ان سے نمٹنے کے لیے ممکنہ اقدامات بھی زیرِ بحث آئیں گے۔ توقع ہے کہ یہ اجلاس رکن ممالک کے درمیان علاقائی تعاون اور سفارتی روابط کو آگے بڑھانے کا موقع فراہم کرے گا۔