خیبر پختونخوا اسمبلی کے 58 اراکین پی ٹی آئی میں شامل
![image](/newsimages/urdu/38436-slider.jpg)
الیکشن کمیشن آف پاکستان نے خیبرپختونخوا اسمبلی کے 58 اراکین کو پاکستان تحریک انصاف (پی ٹی آئی) میں شامل کرلیا، الیکشن کمیشن کی لسٹ میں خیبرپختونخوا کابینہ کے 8 اراکین کا نام شامل نہیں ہیں۔
پشاور: (نیوز ڈیسک) تفصیلات کے مطابق الیکشن کمیشن نے خیبرپختونخوا اسمبلی کے 58 اراکین کو پی ٹی آئی میں شامل کرلیا، فہرست خیبرپختونخوا اسمبلی کو موصول ہوگئی، جس میں پی ٹی آئی کے باقی 34 اراکین کو آزاد قرار دیا گیا ہے۔
فہرست کے مطابق الیکشن کمیشن نے خیبرپختونخوا کے بیشتر صوبائی وزراء کو بھی آزاد قرار د ے دیا ہے، وزیراعلیٰ خیبرپختونخوا علی امین گنڈا پور کو تحریک انصاف کا رکن اسمبلی تسیلم کیا گیا ہے، الیکشن کمیشن کی لسٹ میں خیبرپختونخوا کابینہ کے 8 اراکین کا نام شامل نہیں ہیں، انہیں آزاد قرار دیا گیا جبکہ پی ٹی آئی لسٹ میں صوبائی وزرا آفتاب عالم، مینا خان، فضل حکیم کو بھی شامل نہیں کیا گیا۔
اس کے علاوہ صوبائی وزراء عدنان قادری، خلیق الرحمان، لیاقت علی اور ڈاکٹر امجد کا نام بھی پی ٹی آئی لسٹ میں شامل نہیں، جبکہ مشیر برائے کلچر اینڈٹورزم ذائد چن زیب کو بھی آزاد قرار دے دیا گیا، خیبرپختونخوا اسمبلی میں پی ٹی آئی اراکین کی تعداد 92 ہیں۔