پنجاب میں پہلی بار ہائبرڈ ڈبل ڈیکر بسوں کا افتتاح کر دیا گیا

 سیاحت کے فروغ کے لئے پنجاب میں 5 ہائبرڈ ڈبل ڈیکر بسیں چلائی گئیں، مختلف اضلاع میں مزید ڈبل ڈیکر بسیں فراہم کی جائیں گی، مریم نواز نے بسوں کا معائنہ کیا۔

لاہور: (نیوز ڈیسک) وزیر اعلیٰ پنجاب مریم نواز شریف نے صوبے میں سیاحت کے فروغ کے لیے ڈبل ڈیکر بسوں کا افتتاح کر دیا، اس موقع پر انہوں نے ہائبرڈ ڈبل ڈیکر بس کا معائنہ کیا اور ڈبل ڈیکر بس میں سفر بھی کیا، افسران نے مریم نواز کو ہائبرڈ ڈبل ڈیکر بس سے متعلق بریفنگ بھی دی گئی۔

 وزیر اعلیٰ پنجاب مریم نواز کو متعلقہ افسران کی جانب سے بریفنگ میں بتایا گیا کہ لاہور میں ڈبل ڈیکر بس سروس کا آغاز نومبر 2015 میں سابق وزیراعلیٰ پنجاب شہباز شریف کے دور میں ہوا، سیاحتی بسوں میںب اکیڈیمیا، سفارتکار، سٹیٹ گیسٹ، کارپوریٹ سیکٹر، شوبز شخصیات اور عوام سیاحتی مقامات کی سیر کرتے ہیں۔

تفصیلات کے مطابق حکومت پنجاب کی جانب سے صوبے کے مختلف اضلاع میں ڈبل ڈیکر بسیں چلائی جائیں گی، ڈبل ڈیکر بسیں چلانے کا مقصد صوبے میں سیاحت کو فروغ دینا ہے، لاہور میں سیاحت کے لیے نئے روٹس پر 3 نئی ہائبرڈ ڈبل ڈیکر بسیں چلائی جائیں گی، بہاولپور اور راولپنڈی میں بھی ایک ایک ڈبل ڈیکر بس کا ا ضافہ کیا جائے گا، ملتان اور فیصل آباد میں بھی ڈبل ڈیکر بس سروس شروع کی جائیں گی۔