پاکستان میں سیلاب کی موجودہ صورتحال پر عالمی برادری کی نظر ہے: مائیکل کوگن مین

امریکی تحقیقی ادارے کے ڈائریکٹر برائے ساؤتھ ایشیا اور  معروف صحافی مائیکل کوگل مین نے کہا کہ پاکستان میں سیلاب کی صورت حال پر  عالمی برادری کی نظر ہے، عالمی رہنما اور مشہور شخصیات امداد فراہم کرنے کے ساتھ آگاہی کی مہم چلا رہے ہیں۔

واشنگٹن: پاکستان میں سیلاب کی صورتحال پر عالمی برادری کی نظر ہے، مائیکل کوگل مین کے مطابق اقوام متحدہ کی جنرل اسمبلی میں یہ معاملہ سرفہرست رہا اور  اس دوران فرانس نے پاکستان کی مدد کے لیے بین الاقوامی کانفرنس کی میزبانی کی پیشکش بھی کی۔

ولسن سینٹر کے ڈائریکٹر برائے ساؤتھ ایشیا کا مزید کہنا تھا کہ عالمی رہنما اور مشہور شخصیات امداد فراہم کرنے کے ساتھ آگاہی کی مہم چلا رہے ہیں، یہ ایک موقع ہے مگر سیاسی تقسیم کی وجہ سے پاکستان شاید اس موقع سے استفادہ حاصل نہ کر سکے۔