امریکہ سے پاکستانیوں کے ترسیلات زر میں 9 فیصد اضافہ

پاکستانیوں نے 262 ملین ڈالر کا زرمبادلہ ملک کو ارسال کیا، جولائی اور اگست میں ملک سے 11 لاکھ 75 ہزار ٹن سیمنٹ کی برآمدات ریکارڈ کی گئیں، سیمنٹ کی برآمدات میں رواں مالی سال کے پہلے دو ماہ کے دوران سالانہ بنیادوں پر 117 فیصد اضافہ ریکارڈ کیا گیا ہے۔

اسلام آباد: (اکانومی ڈیسک) امریکا میں کام کرنے والے پاکستانیوں کی ترسیلات زر میں اگست کے دوران ماہانہ بنیادوں پر 9 فیصد اضافہ ریکارڈ کیا گیا ہے۔ اسٹیٹ بینک کی جانب سے اس حوالہ سے جاری کردہ اعداد و شمار کے مطابق اگست میں امریکا میں کام کرنے والے پاکستانیوں نے 262 ملین ڈالر کا زرمبادلہ ملک کو ارسال کیا۔ جولائی میں امریکا میں کام کرنے والے پاکستانیوں نے 241 ملین ڈالر کا زرمبادلہ ملک ارسال کیا تھا۔

گزشتہ سال اگست کے مقابلہ میں رواں سال اگست میں امریکا میں کام کرنے والے پاکستانیوں کی ترسیلات زر میں سالانہ بنیادوں پر 12 فیصد کی کمی ہوئی۔ علاوہ ازیں ملک سے سیمنٹ کی برآمدات میں رواں مالی سال کے پہلے دو ماہ کے دوران سالانہ بنیادوں پر 117 فیصد اضافہ ریکارڈ کیا گیا ہے۔ انڈسٹری کے اعداد و شمار کے مطابق جولائی اور اگست میں ملک سے 11 لاکھ 75 ہزار ٹن سیمنٹ کی برآمدات ریکارڈ کی گئیں۔

رپورٹ کے مطابق گزشتہ مالی سال کے مقابلے میں سیمنٹ کی درآمدات میں خاطر خواہ اضافہ  ہوا ہے۔ مالی سال کی اسی مدت میں 5 لاکھ 41 ہزار ٹن سیمنٹ کی برآمدات ریکارڈ کی گئی تھیں۔ سالانہ بنیادوں پر پاکستانیوں کی ترسیلات زر میں 12 فیصد اضافہ ریکارڈ ہوا ہے۔