فرانس میں ہیکرز کا عجیب سائبر حملہ

پیرس: (ٹیکنالوجی ڈیسک) فرانس میں ایک انوکھا سائبر اٹیک سامنے آیا ہے، ہیکرز نے سپر مارکیٹس کے فریج اور فریزر کو کنٹرول کرنے والے سافٹ ویئر کو ہیک کر لیا۔ اس سے رات کے وقت فریجوں کا ٹمپریچر 50 ڈگری تک پہنچ گیا، جس سے اندر رکھا گوشت، دودھ، آئس کریم اور دوسری کھانے کی چیزیں خراب ہو گئیں۔

اس حملے سے 400 سے زیادہ سپر مارکیٹس متاثر ہوئیں، جن میں مشہور چینز انٹرمارشے اور نیٹو شامل ہیں۔ ملازمین نے صبح فریزر کھولے تو اندر سے گرم ہوا نکل رہی تھی۔ کمپنیوں نے لوگوں کی صحت کے خطرے کی وجہ سے سارا سامان پھینک دیا۔

ابتدائی رپورٹ کے مطابق صرف 2 اسٹورز کو 270,000 یورو کا نقصان ہوا ہے، تو پورے ملک میں نقصان لاکھوں یورو میں ہو سکتا ہے۔ اس واقعے نے ثابت کر دیا کہ اب ہیکرز صرف ڈیٹا ہی نہیں بلکہ ہماری خوراک کو بھی خطرے میں ڈال سکتے ہیں۔