پی آئی اے کا برطانیہ کیلئے فلائٹ آپریشن بڑھانے کا فیصلہ

کراچی: (نیوز ڈیسک) پاکستان انٹرنیشنل ایئرلائنز (پی آئی اے) نے یکم نومبر سے لندن کیلئے روزانہ پروازیں چلانے کا اعلان کر دیا ہے۔ اس فیصلے کے تحت پاکستان اور برطانیہ کے درمیان فضائی آپریشن میں توسیع کی جائے گی۔ اس اقدام سے برطانیہ جانے والے مسافروں کو سفر کیلئے مزید مواقع میسر آئیں گے۔

پی آئی اے لندن کے علاوہ برطانیہ کے دیگر شہروں کیلئے بھی پروازیں دوبارہ شروع کرنے جا رہی ہے۔ پروازوں کی بحالی سے برطانیہ میں مقیم پاکستانیوں اور اپنے عزیزوں سے ملاقات کیلئے سفر کرنے والوں کو سہولت ملے گی۔ اس سے دونوں ممالک کے درمیان فضائی رابطوں کو مزید بہتر بنانے میں بھی مدد ملے گی۔

پی آئی اے انتظامیہ کے مطابق مسافر پروازوں کے اوقات، دستیابی اور ٹکٹوں کی قیمتوں سے متعلق معلومات ایئرلائن کی سرکاری ویب سائٹ اور بکنگ چینلز سے حاصل کر سکتے ہیں۔ لندن اور برمنگھم کیلئے پروازوں میں توسیع سے مسافروں کو سفر کی منصوبہ بندی میں آسانی ہوگی۔ نئے شیڈول سے متعلق حتمی تفصیلات کیلئے مسافروں کو پی آئی اے کے سرکاری اعلانات سے رجوع کرنا چاہیے۔