نئی تحقیق میں موسیقی سننے والے افراد سے متعلق حیران کن انکشاف

میلبورن: (ویب ڈیسک) روزانہ کی چھوٹی چھوٹی عادتیں اور آسان کام ہمیں بھولنے کی بیماری سے بچا سکتے ہیں۔ ایک نئی تحقیق میں یہ بات سامنے آئی ہے کہ جو بوڑھے لوگ روز موسیقی سنتے ہیں، ان میں بھولنے کی بیماری لگنے کا امکان 39 فیصد تک کم ہو جاتا ہے۔ ماہرین کا کہنا ہے کہ دماغ کو مصروف رکھنا، جسم کو حرکت میں رکھنا اور اچھی خوراک کھانا، یادداشت کو کمزور ہونے سے روکتا ہے۔

آسٹریلیا کی موناش یونیورسٹی کے ماہرین نے 10 ہزار 800 سے زیادہ بوڑھے لوگوں پر یہ تحقیق کی۔ انہوں نے دیکھا کہ موسیقی سننے کا دماغ پر کیا اثر پڑتا ہے۔ تحقیق سے معلوم ہوا کہ موسیقی سننے والوں کا دماغ زیادہ تیز تھا، ان کی سوچنے کی طاقت بہتر تھی اور ان کو چیزیں زیادہ یاد رہتی تھیں۔

تحقیق کی مرکزی مصنفہ اور موناش یونیورسٹی کی آنرز اسٹوڈنٹ ایما جافا کا کہنا ہے کہ نتائج اس بات کی نشاندہی کرتے ہیں کہ موسیقی سے متعلق سرگرمیاں بزرگ افراد کی دماغی صحت برقرار رکھنے کے لیے ایک آسان اور قابل رسائی حکمت عملی ثابت ہوسکتی ہیں۔ تاہم محققین نے واضح کیا کہ اس تحقیق سے موسیقی سننے اور ڈیمنشیا کے خطرے میں کمی کے درمیان براہ راست وجہ اور اثر کا تعلق ثابت نہیں ہوتا۔
#HealthNews
#5thNov2026
#MusicForBrain
#BrainHealth
#Dementia
#TVN
#TVNNews
#TVNUrdu
#TVNHealth
#TheViewsNetwork