برطانیہ میں ریلوے اور ٹرانسپورٹ ملازمین کی ملک گیر ہڑتال شروع
لندن: (ویب ڈیسک) برطانیہ بھر میں ریکارڈ مہنگائی کے تناسب سے تنخواہوں میں اضافہ نہ کیے جانے اور کام کے حالات بہتر نہ بنانے کے خلاف ریلوے اور پبلک ٹرانسپورٹ کے ہزاروں ملازمین نے ملک گیر ہڑتال شروع کر دی ہے۔
ٹرانسپورٹ یونینز کے جاری کردہ اعلامیے کے مطابق حکومت اور ریلوے کمپنیوں کے ساتھ ہونے والے مذاکرات کی ناکامی کے بعد ملازمین کے پاس احتجاج کے سوا کوئی چارہ باقی نہیں بچا۔ برطانوی ریلوے حکام کا کہنا ہے کہ ہڑتال کے باعث ملک بھر میں اسی فیصد سے زائد مسافر ٹرینوں کی آمد و رفت معطل ہو گئی ہے۔
ہڑتال کے باعث روزانہ دفاتر اور تعلیمی اداروں کو جانے والے لاکھوں شہریوں کو شدید اذیت کا سامنا کرنا پڑا ہے۔ وزیر ٹرانسپورٹ نے یونین رہنماؤں سے اپیل کی ہے کہ وہ عوام کی مشکلات کا احساس کرتے ہوئے ہڑتال فوری ختم کریں اور مذاکرات کی میز پر واپس آئیں تاکہ معاملے کا قابل قبول حل نکالا جا سکے۔
#InternationalNews
#15thNov2026
#UK
#London
#Strike
#Railway
#Transport
#TVN
#NEWS
#TVNNews
#TVNUrdu
#TVNWorld
#TheViewsNetwork