مارکو روبیو کا عالمی فوجداری عدالت کو سخت انتباہ، رومی جنرل کا تاریخی قول دہرا دیا
واشنگٹن: (ویب ڈیسک) مارکو روبیو نے 13 نومبر کو فیڈرلسٹ سوسائٹی کے نیشنل لائرز کنونشن سے خطاب کرتے ہوئے عالمی فوجداری عدالت کو ایک غیر منتخب بین الاقوامی ادارہ قرار دیا۔ ان کا کہنا تھا کہ امریکا نے کبھی آئی سی سی کے دائرہ اختیار کو تسلیم نہیں کیا اور نہ ہی امریکی شہریوں، فوجی اہلکاروں اور سیاسی رہنماؤں کے خلاف اس کے فیصلوں کو قبول کرے گا۔
غیر ملکی میڈیا کے مطابق روبیو نے الزام عائد کیا کہ عالمی فوجداری عدالت ایسے قوانین کے تحت امریکی شہریوں کے خلاف تحقیقات، مقدمات اور گرفتاریوں کا اختیار استعمال کرنا چاہتی ہے جنہیں امریکا نے تسلیم نہیں کیا۔ انہوں نے صدر ڈونلڈ ٹرمپ کی جانب سے عدالت پر عائد پابندیوں کا دفاع کرتے ہوئے کہا کہ امریکا اپنی خودمختاری اور قومی مفادات کے تحفظ کے لیے تمام ضروری اقدامات کرے گا۔
روبیو نے اپنے خطاب میں رومی جنرل پومپے کا قول دہراتے ہوئے عالمی فوجداری عدالت کے اختیارات پر امریکی اعتراضات کو نمایاں کیا اور واضح کیا کہ واشنگٹن اپنے شہریوں کے معاملے میں کسی ایسے بین الاقوامی ادارے کا اختیار تسلیم نہیں کرے گا جس کے دائرہ اختیار کو امریکا نے قبول نہیں کیا۔
#InternationalNews
#16thNov2026
#MarcoRubio
#UnitedStates
#ICC
#InternationalIssues
#Washington
#InternationalCriminalCourt
#TVN
#News
#TVNUrdu
#TVNWorld
#TheViewsNetwork