صوبہ سندھ بجٹ 25-2024ء کل پیش ہونے کا امکان

صوبہ سندھ بجٹ 2025-24ء، کل تخمینہ 2300 ارب سے زائد لگایا گیا ہے، ترقیاتی بجٹ 257 ارب رکھنے کی تجویز دی گئی ہے۔

کراچی: (اکانومی ڈیسک ) سندھ کا مجموعی بجٹ تخمینہ 2300 ارب روپے متوقع ہے۔ ترقیاتی بجٹ 257 ارب سے زائد رکھے جانے کی تجویز دی گئی ہے۔ ذرائع کا کہنا ہے کہ بجٹ میں پیپلز پارٹی کے انتخابی منشور پر فوکس ہوگا۔

بجٹ میں صاف پانی کی فراہمی کے منصوبوں پر خطیر رقم رکھنے کی تجویز دی گئی ہے۔ بجلی 300 یونٹ تک فری کرنے کی تجویز پر عمل درآمد کرانے پر زور دیا جائے گا۔ نئی ترقیاتی اسکیموں کی بجائے جاری ترقیاتی منصوبوں کو مکمل کرنے اور پبلک پرائیویٹ پارٹنرشپ میں محدود نئی ترقیاتی اسکیمیں لانے کی تجاویز پیش کی گئی ہیں۔ 

اس کے علاؤہ سندھ کے بجٹ میں نئے ٹیکس لگانے کی تجاویز، ٹیکسوں میں ردوبدل اور عوام کو ریلیف دینے کیلئے بجلی کے مخصوص یونٹس مفت کیے جانے کا امکانات بھی ہیں۔ پاکستان پیپلز پارٹی لگاتار 16واں بجٹ پیش کرنے جا رہی ہے۔ 2008ء سے تاحال سندھ میں پاکستان پیپلز پارٹی برسر اقتدار ہے۔