پھلوں اور سبزیوں کو لمبے عرصے تک محفوظ رکھنے کے طریقے

دھنیہ اور پودینہ بہت جلدی خراب ہونے والی سبزیاں، سبزیوں کو ائیر ٹائٹ باکس میں رکھ کر محفوظ بنایا جا سکتا ہے، دھنیہ، پودینہ اور ہری مرچ عام طور پر ایک ساتھ استعمال کی جاتی ہیں اس لئے ان کو چٹنی بنا کر فریج میں بھی محفوظ کیا جا سکتا ہے۔ 

اسلام آباد: (ویب ڈیسک) جیسا کہ ہم جانتے ہیں کہ سبزیاں کچھ دن گزرنے کے بعد خراب ہونا شروع ہو جاتی ہیں اور انھیں زیادہ عرصے تک محفوظ نہیں کیا جا سکتا۔ دھنیہ اور پودینہ بہت جلدی خراب ہونے والی سبزیاں ہیں۔ آج ہم روزانہ استعمال ہونے والی سبزیوں کو لمبے عرصے تک تازہ اور محفوظ رکھنے کے چند آسان طریقوں کے بارے میں بات کریں گے۔

سب سے پہلے دھنیا، پودینہ اور ہری مرچوں کو لاتے ہی دھو کر خشک کرلیں اور ان کی ڈنڈیاں وغیرہ توڑ کر علیحدہ کرلیں۔ اب ان کو الگ الگ پیس کر تھوڑا سا زیتون کا تیل ملا کر آئس کیوب کی ٹرے میں جما لیں۔ دھنیہ، پودینہ اور ہری مرچ عام طور پر ایک ساتھ استعمال کی جاتی ہیں اس لئے ان کو چٹنی بنا کر فریج میں رکھا جا سکتا ہے۔ اس طریقے سے بنائی گئی چٹنی مہینوں تک خراب نہیں ہوگی۔ 

دھنیہ اور پودینہ کو خشک کرکے پاؤڈر بنا کر رکھا جا سکتا ہے۔ ان سبزیوں کی ڈنڈیاں صاف کرکے ان کو اخبار میں اس طرح لپیٹ کر رکھیں کہ ہوا کا گزر نہ ہو۔ ان سبزیوں کو ائیر ٹائٹ باکس میں بھی رکھ کر محفوظ کیا جا سکتا ہے۔