پاکستان سے سرمائے کا انخلا ایک سال میں تقریباً دوگنا ہوگیا

لاہور: (بزنس ڈیسک) اگست 2026ء میں پاکستان سے 31 کروڑ 10 لاکھ ڈالر کا سرمایہ باہر گیا، جبکہ گزشتہ سال اسی ماہ سرمائے کا انخلا 16 کروڑ ڈالر تھا۔ اس طرح ایک سال کے دوران اگست میں سرمائے کے اخراج میں نمایاں اضافہ ریکارڈ کیا گیا۔

جولائی 2026ء میں بھی پاکستان سے 18 کروڑ ڈالر کا سرمایہ خارج ہوا، جس کے باعث جولائی اور اگست 2026ء کے دوران مجموعی سرمائے کا انخلا 49 کروڑ 10 لاکھ ڈالر تک پہنچ گیا۔ گزشتہ سال جولائی اور اگست کے دوران یہ حجم 35 کروڑ 50 لاکھ ڈالر تھا۔

اعداد و شمار سے ظاہر ہوتا ہے کہ ایک سال کے دوران ابتدائی دو ماہ میں سرمائے کے اخراج میں نمایاں اضافہ ہوا ہے، جبکہ براہ راست غیر ملکی سرمایہ کاری میں مطلوبہ اضافہ نہیں ہو سکا۔ سرمایہ کاری کے رجحان میں یہ کمی ملکی معیشت میں بیرونی سرمایہ کاری کے حوالے سے اہم اعداد و شمار میں شامل ہے۔