انسانی جسم میں موجود فالتو چربی پگھلانے والا پروٹین دریافت

مٹاپے سے انسانی جسم نہ صرف بدنما نظر آتا ہے بلکہ بہت سی بیماریوں کا شکار بھی ہو جاتا ہے، انسانی فطرت ہے کہ وہ دیکھنے میں سمارٹ اور خوبصورت نظر آئے، سائنس دانوں نے موٹاپے کا حل تلاش کر لیا۔

نیویارک: ( ویب ڈیسک ) ورزش، ڈائیٹنگ کے ساتھ مختلف قسم کی دوائیں استعمال کرنے کے باوجود موٹاپا کم نہیں ہوتا، لیکن اب سائنس دانوں نے موٹاپے کا حل تلاش کر لیا ہے، ایک ایسا قدرتی علاج جو انسانی جسم کی فالتو چربی پگھلانے میں مدد گار ثابت ہو گا۔

موٹاپے کے یقینی علاج کے لئے محققین نے ایک تحقیق میں یہ جاننے کی کوشش کی ہے براؤن فیٹ کو کس طرح سے فعال کیا جاسکتا ہے۔ براؤن فیٹ جسم میں موجود مفید چکنائی ہوتی ہے جو سرد حالات میں بڑی مقدار میں حراروں کو جلاتی ہے۔ انسان کے پیٹ پر جمع ہو کر مُٹاپے کا سبب بننے والی مضر سفید چکنائی کے برعکس سائنس دان براؤن چکنائی کے جمع ہونے کو اچھا سمجھتے ہیں تاکہ وزن کم کرنے میں لوگوں کی مدد کی جاسکے، اگر اس چکنائی کو ٹھنڈ محسوس ہونے کے علاوہ کسی بھی وقت فعال کیا جا سکتا ہو تو یہ مرضی کے مطابق وزن کم کرنے میں مدد دے سکتے ہیں۔

تفصیلات کے مطابق  انسانی جسم میں فالتو چربی جمع ہونے سے انسان نہ صرف بدنما نظر آتا ہے بلکہ بہت سی بیماریوں میں بھی مبتلاء ہو سکتا ہے، سائنس دانوں نے اس کے حل کے لئے انسانی جسم میں مضر سفید چکنائی کے برعکس براؤن چکنائی پر تحقیق شروع کی ہوئی ہے، سائنس دانوں کا کہنا ہے کہ ان کپلنگ پروٹین 1 (UCP 1) نامی پروٹین ایک سائنسی معمہ ہے اور محققین یہ سمجھنا چاہتے ہیں کہ یہ پروٹین حراروں کو جلانے کے لیے کیسے فعال ہوتا ہے، لیکن اب سائنس دانوں کو غیر فعالی کے وقت پروٹین کے اندر موجود دو دروازوں کی پوزیشن کی تلاش کے بعد اس متعلق کچھ فہم حاصل ہوا ہے، جب یہ پروٹین غیر فعال ہوتا ہے تو اس کا اندرونی در بند ہوتا ہے اور بیرونی در کھلا ہوا ہوتا ہے۔ سائنس دانوں کا ماننا ہے کہ جب یہ پروٹین فعال ہوتے ہوں گے تو ان دروازوں کی پوزیشن الٹی ہوتی ہو گی۔