گوگل کروم کے ویب براؤزر کا نیا ڈیزائن متعارف

گوگل کی جانب سے یہ اعلان اپنی ایک ٹوئٹر پوسٹ میں کیا گیا، براؤزر کے ڈیزائن کیساتھ اس میں چند نئے فیچرز بھی متعارف کرائے جائیں گے، کمپنی کی جانب سے کروم ویب اسٹور کو بھی ری ڈیزائن کیا جا رہا ہے جبکہ سائیڈ بار میں ایک فیچر بھی صارفین کو دستیاب ہوگا۔

کیلیفورنیا: (ٹیکنالوجی ڈیسک) تفصیلات کے مطابق گوگل کروم کو 15 سال مکمل ہونے پر کمپنی نے ویب براؤزر کے نئے ڈیزائن کا اعلان کر دیا ہے۔ براؤزر کے ڈیزائن کیساتھ اس میں چند نئے فیچرز بھی متعارف کرائے جائیں گے۔ اسکے علاوہ ڈیسک ٹاپ کیلئے بھی کروم کو ری ڈیزائن کیا جا رہا ہے۔

گوگل کی جانب سے یہ اعلان اپنی ایک ٹوئٹر پوسٹ میں کیا گیا ہے۔ گوگل کروم میں نئے تھیم اور کلر آپشنز ری ڈیزائن براؤزر کا حصہ ہوں گے۔ ویب براؤزر کے آئیکونز کو بھی اپ ڈیٹ کیا جا رہا ہے۔ گوگل کمپنی کے سی ای او کا کہنا تھا کہ گوگل کی جانب سے کروم مینیو کو بھی تبدیل کیا جا رہا ہے تاکہ صارفین کیلئے مختلف فیچرز اور آپشنز جیسے گوگل ٹرانسلیٹ اور ایکسٹینشنز کا استعمال آسان ہو جائے۔

کمپنی کی جانب سے کروم ویب اسٹور کو بھی ری ڈیزائن کیا جا رہا ہے جبکہ سائیڈ بار میں ایک فیچر بھی صارفین کو دستیاب ہوگا تاکہ کسی سائٹ سورس کے حوالے سے انہیں اضافی معلومات تک رسائی حاصل ہو سکے۔ کروم پر سیف براؤزنگ کو بھی اپ گریڈ کیا جا رہا ہے تاکہ صارفین کو میل وئیر اور دیگر آن لائن خطرات سے تحفظ مل سکے۔