گوگل میپس پر کسی بھی مقام کو فیورٹ کے طور پر محفوظ کرنے کا اہم فیچر

متعدد مقامات کو فیورٹ کے طور محفوظ کرنے کے عادی افراد کیلئے یہ فیچر انتہائی اہم، کسی بھی فیورٹ مقام کو محفوظ کرنے کیلئے ایموجیز کا استعمال کیا جا سکے گا، صارف کو بس یہ یاد رکھنا ضروری ہو گا کہ کس مقام کیلئے کونسا ایموجی استعمال کیا گیا ہے۔

کیلیفورنیا: (ٹیکنالوجی ڈیسک) تفصیلات کے مطابق گوگل میپس نے اپنے صارفین کی خدمت میں ایک دلچسپ فیچر متعارف کروا دیا ہے۔ اس فیچر کو استعمال کرتے ہوئے کسی بھی فیورٹ مقام کو محفوظ کرنے کیلئے ایموجیز کا استعمال کیا جا سکتا ہے۔ اگر آپ گوگل میپس میں متعدد مقامات کو فیورٹ کے طور محفوظ کرنے کے عادی ہیں تو یہ فیچر آپکے لئے انتہائی دلچسپ ثابت ہو گا۔

آپ کسی بھی ایموجی کو کسی مخصوص مقام کی علامت کے طور پر استعمال کر سکتے ہیں۔ اب وہ ریسٹورنٹ ہو، دکان، ہوٹل، پارک یا کوئی بھی جگہ، اس کی شناخت کیلئے فون میں دستیاب کسی بھی ایموجی کو استعمال کیا جا سکتا ہے۔ ایموجیز سے کسی بھی محفوظ مقام کو شناخت کرنا صارفین کیلئے بہت آسان ہو گا۔

صارف کو بس یہ یاد رکھنا ضروری ہو گا کہ کسی مقام کیلئے کونسا ایموجی استعمال کیا گیا ہے۔ کسی بھی مقام کو میپ میں محفوظ کرنے کیلئے اس مقام پر کلک کریں جسے گوگل میپس پر سیو کرنا چاہتے ہیں پھر نیچے سیو پر کلک کریں۔ اس کے بعد نیو لسٹ پر کلک کرکے اس جگہ کا نام لکھیں اور اوپر موجود (چوز آئیکان) بٹن کا انتخاب کریں، یہاں آپ کسی بھی ایموجی کو سلیکٹ کر سکتے ہیں۔