گوگل کی طرف سے جی میل کا ہردلعزیز فیچر ختم کرنے کا اعلان

ایچ ٹی ایم ایل بیسک ویو در اصل جی میل کا 2007ء کا ڈیزائن ہے جس کا صارفین اکثر سست رفتار وائے فائے پر استعمال کرتے ہیں۔ 2024ء کے بعد یہ فیچر دستیاب نہیں ہوگا۔

واشنگٹن: (ٹیکنالوجی ویب) وہ جی میل صارفین جو ویب سائٹ کا ایچ ٹی ایم ایل بیسک ویو فیچر استعمال کرتے ہیں ان کو جنوری 2024ء کے بعد سے یہ فیچر دستیاب نہیں ہوگا۔

کمپنی کے سپورٹ پیچ میں پیش کیے جانے والے ایک نوٹس کے مطابق  تاریخ کے بعد سے جی میل صرف اسٹینڈرڈ ویو میں دستیاب ہوگا۔ تاہم، نابینا ٹیکنالوجی کے ایک ماہر پراتِک پٹیل نے خبردار کیا ہے کہ ریٹائر کیے جانے والا یہ فیچر نابینا اور جزوی طور پر بینا افراد کے لیے بڑا دھچکا ہے۔

ایچ ٹی ایم ایل بیسک ویو در اصل جی میل کا 2007 کا ڈیزائن ہے جس کا صارفین اکثر سست رفتار وائے فائے پر استعمال کرتے ہیں۔ اس موڈ پر چیٹ باکس، اسپیل چیک یا کونٹیکٹ امپورٹنگ جیسے اسٹینڈرڈ ویو فیچر لوڈ نہیں ہوتے۔