آئی فون کے آنے والے ماڈلز رچ کمیونیکیشن سسٹم سے آراستہ

رچ کمیونیکیشن سسٹم موبائل فونز میں آئی میسج کے ساتھ کام کرے گا، نئے ماڈلز کو ایس ایم ایس اور ایم ایم ایس کے نظام سے نہیں گزرنا پڑے گا، یہ ماڈلز آئندہ برس سے متعارف کرائے جائیں گے۔

کیلیفورنیا: (ٹیکنالوجی ڈیسک) ایپل کمپنی کے آنے والے نئے موبائل فونز جدید فیچرز سے آراستہ ہوں گے۔ یہ موبائل فونز رچ کمیونیکیشن سسٹم (آر سی ایس) کو سپورٹ کریں گے۔ نئے ماڈلز آئندہ برس سے متعارف کرائے جائیں گے۔

ان فونز کو پیغام رسانی کیلئے ایس ایم ایس اور ایم ایم ایس کے نظام سے نہیں گزرنا پڑے گا۔ کمپنی کا کہنا ہے کہ آر سی ایس یونیورسل پروفائل ایس ایم ایس یا ایم ایم ایس کے مقابلے میں بہتر انٹر آپربیلٹی پیش کرے گا۔ آئی فونز سے لے کر نان آئی او ایس ڈیوائسز تک کے متن نئے رچ کمیونیکیشن سروسز پروٹوکول کو سپورٹ کریں گے۔

کمپنی کی جانب سے بتایا گیا ہے کہ آر سی ایس موبائل فونز میں آئی میسج کے ساتھ ساتھ کام کرے گا۔ یہ ایپل کے صارفین کیلئے پیغام رسانی کا بہترین اور محفوظ ترین ذریعہ ہے۔ نئے فیچر میں وائس میمو ٹرانسکرپشنز اور چیک ان جیسی نئی خصوصیات شامل ہوں گی۔