ٹیسٹ کرکٹر شان مسعود کی پی سی بی سینٹرل کنٹریکٹ میں ترقی

 پاکستان کرکٹ بورڈ نے ٹیسٹ کرکٹ کے کپتان شان مسعود کے سینٹرل کنٹریکٹ کو اَپ گریڈ کرتے ہوئے انہیں ڈی سے بی کیٹیگری میں کر دیا، شان مسعود 30 ٹیسٹ میچوں میں 1597 رنز بنا چکے ہیں۔

لاہور: (اسپورٹس ڈیسک) پاکستان کرکٹ بورڈ                                  (PCB)  نے ٹیسٹ کرکٹ کے کپتان شان مسعود کے سینٹرل کنٹریکٹ کو اپ کر دیا جس کے بعد انہیں D سے B کیٹیگری مل گئی، پاکستان کرکٹ بورڈ نے یہ فیصلہ اپنی اس پالیسی کے تحت کیا ہے کہ اگر سینٹرل کنٹریکٹ میں شامل کوئی بھی کھلاڑی جو اے یا بی کیٹیگری سے نیچے ہے اور وہ کپتان بنتا ہے تو اس کا کنٹریکٹ اس وقت تک بی کیٹیگری میں کر دیا جائے گا۔

پاکستان کرکٹ ٹیم کے بہترین 34 سالہ کھلاڑی شان مسعود کو 15 نومبر کو پاکستان ٹیسٹ ٹیم کا کپتان مقرر کیا گیا تھا، شان مسعود آئی سی سی ورلڈ ٹیسٹ چیمپیئن شپ 25-2023 تک کپتان بنائے گئے ہیں، انہوں نے 30 ٹیسٹ میچ کھیلے اور 1597 رنز بنائے ہیں، اور بحیثیت کپتان ان کا پہلا اسائنمنٹ آسٹریلیا کے خلاف ہونے والی تین میچوں کی ٹیسٹ سیریز ہے جو 14 دسمبر سے شروع ہو رہی ہے۔

تفصیلات کے مطابق پاکستان کرکٹ بورڈ نے (پی سی بی) نے کھلاڑیوں کے سینٹرل کنٹریکٹ میں اپ گریڈ کرنے کا عمل شروع کر دیا، ٹیسٹ کرکٹ کے کپتان شان مسعود کا سینٹرل کنٹریکٹ اپ گریڈ ہونے کے بعد انہیں ڈی سے بی گریڈ مل گیا، ان کا پہلا اسائنمنٹ آسٹریلیا کے خلاف ہونے والی تین میچوں کی ٹیسٹ سیریز ہے، سیریز کا پہلا ٹیسٹ 14 سے 18 دسمبر تک پرتھ میں کھیلا جائے گا۔ دوسرا ٹیسٹ 26 سے 30 دسمبر تک میلبرن میں ہوگا جبکہ تیسرا ٹیسٹ 3 سے 7 جنوری تک سڈنی میں کھیلا جائے گا۔