ایران نے اپنا تحقیقی سیٹلائٹ چمران-1 کامیابی سے مدار میں چھوڑ دیا

سیٹلائیٹ چھوڑنے کا مقصد خلائی نظام اور نیویگیشن کی کارکردگی کا جائزہ لینا ہے۔سیٹلائیٹ کو ایران الیکٹرونکس انڈسٹریز نے ڈیزائن کیا۔

تہران: (ٹیکنالوجی ڈیسک) ایرانی خبر ایجنسی تسنیم نیوزکے مطابق تحقیقی سیٹلائٹ چمران-1 کو سیٹلائٹ کیریئر قائم-100 کی مدد سے لانچ کیا گیا چمران-1 سیٹلائٹ کو ایران الیکٹرانکس انڈسٹریز کے خلائی گروپ نے ایرو اسپیس ریسرچ انسٹی ٹیوٹ اور نجی ٹیک کمپنیوں کے تعاون سے ڈیزائن کیا ہے۔

اسلامی انقلابی گارڈ کور (آئی آر جی سی) کی ایرو اسپیس فورس کے ماہرین کی طرف سے تیار کردہ ٹھوس ایندھن سے چلنے والے قائم-100 کیریئر نے اپنے دوسرے مداری مشن میں چمران-1 سیٹلائٹ کو کامیابی کے ساتھ مدار میں لانچ کر دیا ہے۔ ایران نے ہفتہ کے روز ایک نیا تحقیقی سیٹلائٹ چمران-1 مدار میں چھوڑا جو ملک کے خلائی پروگرام میں ایک اہم کامیابی ہے۔

غیر ملکی میڈیا کے مطابق اس کا بنیادی مشن آربیٹل مینیور ٹیکنالوجی ویلیڈیشن کے لیے ہارڈ ویئر اور سافٹ ویئر سسٹم کی جانچ کرنا ہے اس کے علاوہ دیگر مقاصد جیسا کہ خلائی نظام اور نیویگیشن کی کارکردگی کا جائزہ لینا بھی شامل ہے۔