2050ء تک ادویات کے ری ایکشن کی وجہ سے 39 ملین لوگ مر جائیں گے: رپورٹ

ایک عالمی تجزیے میں یہ بات سامنے آئی ہے کہ اینٹی بائیوٹیکس ادویات سے مزاحمتی بیکٹیریا یا وائرس کی وجہ سے 2050ء تک 39 ملین سے زیادہ لوگ انفیکشن سے مر جائیں گے۔

نیویارک: (ویب ڈیسک) دی لانسیٹ میں رواں ماہ شائع ہونے والی رپورٹ میں پتا چلا ہے کہ 1990ء سے 2021ء کے درمیان ہر سال 10 لاکھ سے زائد افراد ادویات کے خلاف مزاحمت کرنے والے انفیکشن سے ہلاک ہوئے اور یہ تعداد 2050ء تک بڑھ کر تقریباً 20 لاکھ مزید پہنچ سکتی ہے۔ 

کیلیفورنیا یونیورسٹی میں محقق جوزف لیونارڈ کہتے ہیں کہ مزاحم انفیکشنز کے مستقبل کے حوالے سے بہترین اقدامات کیلئے یہ سمجھنا ضروری ہے کہ ہم اس حوالے سے کہاں کھڑے ہیں۔ انہوں نے کہا کہ میرے خیال میں اس ہلاکتوں کے حوالے سے تعداد شاید اس سے کہیں زیادہ ہے جس کی یہاں اطلاع دی گئی ہے، خاص طور پر ان ممالک میں جہاں ڈیٹا میں خلاء موجود ہے۔

کیونکہ انہوں نے بتایا کہ دنیا 2030ء تک اینٹی مائکروبیل مزاحمت کی وجہ سے ہونے والی اموات کو کم کرنے کے اقوام متحدہ کے ہدف کو پورا کرنے میں ناکام ہو رہی ہے۔ رپورٹ کا تخمینہ ہے کہ 2025ء اور 2050ء کے درمیان مناسب اینٹی بائیوٹکس تک وسیع رسائی اور انفیکشن کے بہتر علاج کے ساتھ آبادی کے ایک طبقے کو بچایا جاسکتا ہے۔