پنجاب بھر سے قافلے لانگ مارچ کا حصہ بنیں گے، سلمان اکرم راجہ

لاہور:(نیوز ڈیسک) تحریک انصاف کے مرکزی جنرل سیکرٹری سلمان اکرم راجہ نے دو ٹوک مؤقف اختیار کرتے ہوئے کہا ہے کہ وہ کسی غیر اصولی معاہدے کا حصہ نہیں بنیں گے۔ لاہور ہائیکورٹ کے باہر صحافیوں سے بات چیت میں انہوں نے کہا کہ عوام کی جان و مال ان کے لیے سب سے اہم ہے اور وہ ایسے کسی منصوبے کی حمایت نہیں کریں گے جس میں معصوم شہریوں کا لہو بہے یا خاندانوں کو نقل مکانی پر مجبور ہونا پڑے۔ ہر طرح کی سختی برداشت کرنے کو تیار ہیں مگر اپنے نظریات سے پیچھے نہیں ہٹیں گے۔

ان کا کہنا تھا کہ جنرل سیکرٹری کی حیثیت سے ان پر بھاری ذمہ داریاں عائد ہیں اور وہ بانی چیئرمین عمران خان اور بشریٰ بی بی کے کیسز کی پیروی بھی کر رہے ہیں۔ پنجاب میں لانگ مارچ کے لیے بھرپور تیاریاں مکمل ہیں اور صوبے کے کونے کونے سے کارکن اسلام آباد کی جانب مارچ میں شریک ہوں گے، جس سے احتجاج کی شدت میں مزید اضافہ ہوگا۔

صوبہ خیبر پختونخوا کی ابتر صورتحال پر تبصرہ کرتے ہوئے پی ٹی آئی رہنما نے الزام لگایا کہ وہاں حکومتی عملداری ختم ہو چکی ہے اور ڈپٹی کمشنرز صوبائی حکومت کے فیصلوں کو ماننے سے انکاری ہیں۔ ان کے بقول گزشتہ روز پشاور میں پرامن کارکنان کے خلاف طاقت کا بے دریغ استعمال کیا گیا اور کئی افراد کو حراست میں لے کر نامعلوم مقام پر منتقل کر دیا گیا۔ انہوں نے اس عمل کو فسطائیت قرار دیتے ہوئے مطالبہ کیا کہ ذمہ داران ہوش سے کام لیں اور عوام دشمن اقدامات سے باز رہیں۔

#NationalNews
#9thOct2026
#SalmanAkramRaja
#PTILongMarch
#PunjabQafila
#KPKGovt
#PeshawarCrackdown
#PTIWorkers
#TVN
#News
#TVNNews
#TVNUrdu
#TVNNational
#TheViewsNetwork