چین میں اے آئی انقلاب، جنریٹو اے آئی استعمال کرنے والوں کی تعداد 70 کروڑ سے بڑھ گئی

بیجنگ: (ٹیکنالوجی ڈیسک) سی جی ٹی این کے مطابق چائنا انٹرنیٹ نیٹ ورک انفارمیشن سینٹر کے پالیسی و بین الاقوامی تعاون انسٹی ٹیوٹ نے منگل کو ساتویں چائنا انٹرنیٹ بنیادی وسائل کانفرنس کے دوران "جنریٹو اے آئی ایپلی کیشنز ترقیاتی رپورٹ 2026ء جاری کی۔ رپورٹ میں اے آئی کے حوالے سے اہم اعداد و شمار پیش کیے گئے۔ 

رپورٹ کے مطابق 2026ء کی پہلی ششماہی تک چین میں جنریٹو اے آئی صارفین کی تعداد 70 کروڑ سے بڑھ چکی ہے جبکہ اس کے استعمال کی شرح 50 فیصد سے زیادہ ریکارڈ کی گئی ہے۔ جنریٹو اے آئی کے استعمال کے شعبوں میں تنوع بڑھ رہا ہے اور سمارٹ آلات سمیت صارفین کی ذہین مصنوعات کی صلاحیت تیزی سے سامنے آ رہی ہے۔

رپورٹ میں مزید بتایا گیا ہے کہ چین میں اے آئی کے شعبے میں خود انحصار جدت طرازی کی رفتار تیز ہوئی ہے اور پوری صنعتی چین کے مختلف مراحل میں نمایاں پیش رفت حاصل کی گئی ہے۔ اے آئی ٹیکنالوجی صنعتوں کی ترقی اور تبدیلی میں کلیدی کردار ادا کر رہی ہے جس سے مختلف شعبوں میں ڈیجیٹل اور ذہین ترقی کی سطح مسلسل بہتر ہو رہی ہے۔